Түркістан облысына сапар туралы

Бүгін Түркістан облысы прокуратурасының жаңа ғимаратының ашылуына қатыстым.

2018 жылдан бастап Түркістан облыс орталығы мәртебесіне ие болды. Бұл қаланың тарихи маңыздылығы жоғары. Бұл түркі жұртының – алтын бесігі, Ұлы Жібек Жолының – жүрегі.

Мемлекет басшылығының қолдауымен бұл ежелгі қала танымастай өзгерді және мыңдаған туристер ағылатын туристік орталыққа айналды.

Қадағалау қызметін тиісті түрде жүзеге асыру үшін облыс әкімдігінің қолдауымен қаланың сәулеттік стиліне үйлесімді жаңа прокуратура ғимараты салынды.

Облыс прокуратурасының қызметкерлері өңірдегі заңдылық ахуалын сақтауға, қоғам өмірінің барлық салаларында азаматтардың құқықтарын қамтамасыз етуге барынша күш салатынына сенімдімін. Ол үшін барлық жағдайлар жасалған.

• 28.12.2022
• 210