Ақпараттық қауіпсіздіктің оқыс оқиғаларына ден қою қызметтеріне қойылатын талаптарды күшейту туралы

2022 жылғы 23 қарашада Қазақстан Республикасының Қаржы нарығын реттеу және дамыту агенттігі Басқармасының №95 қаулысымен «Ақпараттық қауіпсіздіктің оқыс оқиғаларына ден қою қызметтеріне, ақпараттық қауіпсіздіктің оқыс оқиғаларына ішкі тергеп-тексерулер жүргізуге қойылатын талаптарды бекіту туралы» Агенттік Басқармасының 2020 жылғы 21 қыркүйектегі №90 қаулысына өзгеріс енгізілді.

Өзгеріс екінші деңгейдегі банктердің және банк операцияларының жекелеген түрлерін жүзеге асыратын ұйымдардың ақпараттық қауіпсіздіктің оқыс оқиғаларына ден қою қызметтеріне, сондай-ақ  олардың осындай оқыс оқиғалар фактілері бойынша ішкі тергеп-тексерулер жүргізулеріне қойылатын талаптарды күшейтуді көздейді.

Қаулымен ден қою қызметтерінің жұмыс режимі белгіленген, ақпараттық қауіпсіздік  оқиғаларының және оқиғалардың туындау тізбесіне нақтылаулар енгізілді.

Ақпараттық қауіпсіздіктің оқыс оқиғаларына ішкі тергеп-тексерулер жүргізу, атап айтқанда уәкілетті органды тергеп-тексеру жүргізудің басталуы, мерзімдері және нәтижелері туралы хабардар ету тәртібіне қосымша талаптар енгізілді.

Қаулыға Қосымша ақпараттық қауіпсіздіктің оқыс оқиғалары бойынша ақпаратты өңдеу процесін автоматтандыру жүргізілуіне байланысты алып тасталды.

Қаулының толық мәтінімен Қазақстан Республикасының Әділет министрлігінде тиісті тіркеу рәсімінен өткеннен кейін Агенттіктің интернет-порталынан және «Әділет»  ақпараттық-құқықтық жүйесінен танысуға болады.

• 29.12.2022
• 185