Бағалы қағаздар нарығында айла-шарғы жасау өлшемшарттарын өзгерту туралы

2022 жылғы 28 қазанда Агенттік Басқармасы «Ұйымдастырылған және ұйымдастырылмаған бағалы қағаздар нарығында жасалған бағалы қағаздармен және өзге де қаржы құралдарымен мәмілелерді айла-шарғы жасау мақсатында жасалды деп тану, сараптама комитетін жасақтау және оның жұмыс жасау қағидаларын, сондай-ақ оның сандық құрамын бекіту туралы» Қазақстан Республикасы Ұлттық Банкі Басқармасының 2018 жылғы 28 желтоқсандағы № 319 қаулысына өзгерістер мен толықтыру енгізу туралы» қаулыны қабылдады.

Қаулы бағалы қағаздармен жасалған мәмілелерге ғана емес, сондай-ақ бағалы қағаздардың бағасына әсер ететін, бағалы қағаздармен мәмілелер жасауға өтінімдерді жариялау және бағалы қағаздар мен өзге де қаржы құралдары туралы дәйексіз немесе жаңылыстыратын ақпарат тарату бойынша бағалы қағаздар нарығы субъектілерінің және өзге де тұлғалардың іс-әрекеттеріне де бағалы қағаздар нарығында айла-шарғы жасау тұрғысынан мониторинг пен талдаудың жүргізілуге тиіс екенін көздейді.

Бұл шаралар бағалы қағаздар нарығы субъектілерінің және өзге де тұлғалардың бағалы қағаздармен және өзге де қаржы құралдарымен іс-әрекеттеріне мониторинг жүргізудің тиімділігін арттыруға мүмкіндік береді. Тұтастай алғанда бұл қаулы бағалы қағаздар нарығында жосықсыз іс-әрекет жасауға қарсы іс-қимыл жасау мақсатында қабылданды.

Қаулының толық мәтінімен Қазақстан Республикасының Әділет министрлігінде тиісті тіркеу рәсімі өткізілгеннен кейін Агенттіктің ресми интернет-ресурсынан және «Әділет» ақпараттық-құқықтық жүйесінен танысуға болады.

• 29.12.2022
• 212