Қолайсыз ауа райына байланысты коммуналдық қызметтер тәулік бойы күшейтілген режимде жұмыс істейді.

3 қаңтардан 4-іне қараған түні полигондарға 36 мың текше метрден астам қар (2 700 жүк көлігі) шығарылды. Ал қыс мезгілінің басынан бері — миллион текше метрден астам қар.
Қала көшелерінің қарын күреуге 2 мыңнан астам жол жұмысшы мен мыңнан аса арнайы техника шығады. Олар ең алдымен қозғалысы қарқынды көшелерді, әлеуметтік нысандарға кіреберіс жолдарды, тротуарларды, аялдамаларды және т.б. орындарды тазалайды.
Коммуналдық қызметтердің күн-түні жұмыс істейтініне түсіністікпен қарайтын тұрғындарға алғыс айтамын. Сол сияқты тазалық жұмысына жауапты қызметкерлердің еңбегін ерекше атап өткім келеді. Өз тарапымыздан коммуналдық қызметкерлердің еңбек жағдайын жақсарту ісін жалғастырамыз: жалақы көтеру, қажет жағдайда арнайы техникаларды жаңарту.

• 05.01.2023
• 299