Ауыл-аймақты аралап, боран салдарын жою жұмыстарын қадағаладым

Төтенше жағдайлар департаменті, «ОңтүстікЖарықТранзит» мекемесінің басшылығы және мамандармен бірге Бәйдібек ауданына арнайы барып, ауыл-аймақтардағы қарлы боранның салдарынан болған жағдайдың зардаптарын жою жұмыстарын бақыладық. Облыс аумағында қалың қар мен жел және боран салдарынан бірнеше ауданда күрделі жағдай қалыптасқанын білесіздер. Бұл мәселе бақылауда тұр. Елді мекендегі электр желілері жедел жөнделіп, елге электр қуаты беріледі.
Ауа-райының күрт өзгеруі салдарынан Созақ, Отырар, Қазығұрт, Сауран, Бәйдібек аудандарында электр желілері үзілген болатын. Бірқатар аймақта ол қалпына келтіріліп үлгерді, жұмыс әлі де жалғасуда. Жауапты мекеме тарапынан 37 бригада, 41 бірлік техника тартылған. Жұмыстарды жеделдету мақсатында қосымша бригадалар жасақталып жатыр. Барлық тиісті жауапты мекемелер күшейтілген жұмыс тәртібіне көшіп, жұмыс істеп жатыр.

• 09.01.2023
• 227