Түркістан облысында мың адамды жұмыспен қамтитын зауыт құрылысы басталды

Түлкібас ауданында жұмыс сапарымен барып, жеке инвестор қаражаты есебінен салынып жатқан зауыттың құрылыс алаңын араладым. Ауданында 1 мыңнан астам адамды жұмыспен қамтитын «Састобе» Инновациялық кешені» ЖШС-нің инженерлік жүйесінің құрылысы басталды. Жоба іске қосылған соң зауытта жылына 100 мың тонна каустикалық сода, 120 мың тонна поливинилхлорид (ПВХ) және 1 млн. тонна цемент өндірілмек.
Аудандағы «Кас-Бетон» ЖШС-нің жұмысымен де таныстым. 2008 жылы іске қосылған зауытта 200-ден астам адам жұмыспен қамтылған. Мұнда әк тас өндіріледі.
Отандық өнімнің түрін арттырып, дайын шикізатты өндеу ісін және дайын тауар шығару өндірісін дамыту керек. Аудан басшыларына өндіріс орындарын арттыруды, жаңа жобаларға қолдау көрсетіп, жаңа жұмыс орындарын ашуға күш салуды тапсырдым. Кәсіпкерлікті дамытуға облыс тарапынан да тұрақты қолдау болады.

• 09.01.2023
• 236