Облыста өндіріс орындарын ашуға басымдық беріледі

Сайрам ауданына жұмыс сапарымен барып, өндіріс орындарының, шаруа қожалықтарының жұмысымен таныстым.  
Орталықтан келетін бюджет қаражатына емес, кәсіпкерлік пен зауыт-фабрикалардан түсетін табысқа сенім артқан жөн. Облыста өндіріс орындарын ашуға басымдық беріледі. Елді кәсіпкерлікке баулу, жаңа кәсіпорындар ашу мәселесін назарда ұстау керек. Бұл негізгі индикаторлардың бірі болады. Басшылардың жұмыс нәтижесі осы саладағы жұмыстармен де есептеледі.
Сайрамдағы мүгедектер қоғамдық бірлестігінің жөргектер және сулықтар шығаратын өндіріс орнында болып, кәсіпкерлермен пікірлестім. Жылына 100 млн. дана тауар шығаруға қауқарлы кәсіпорын 60 адамды жұмыспен қамтып отыр. 
Манкентте орналасқан жаңа клиника мен жиһаз фабрикасының жұмысымен таныстым. 100 орынға арналған медициналық мекемеде 38 адам жұмыспен қамтылған. Ал жиһаз зауытында 120-ға жуық адам жұмыс істейді. 
Сайрам ауданында ауыл шаруашылығы жақсы дамыған. 3,6 гектар аумақта орналасқан шаруа қожалығында қияр мен қызанақ өсіріп, 35 адам жұмыспен қамтып отыр. Кәсіпкер бұл жобаны жүзеге асыру үшін өз қаражатын жұмсаған және «Аграрлық несие корпорациясынан» да қомақты қолдау несиесін алған.
Сайрам ауданындағы 2016 жылы жұмысын бастаған тағы бір шаруашылық етті Қазақстанға ғана емес, шет мемлекеттерге де экспорттап келеді. Мұнда 40 адам жұмыс істейді. 
Өндіріс орындарын ашу бағытындағы жұмыстар күшейтеміз. Жауапты басқармалар мен аудан басшылығына инвестиция тарту, индустриалды аймақтарды дамыту жөнінде нақты тапсырмалар бердім.

• 09.01.2023
• 230