Келес ауданына жұмыс сапарымен бардым

Келес ауданына жұмыс сапарымен барып, елді мекендерді дамыту сараладық. 

Ауыл шаруашылығын әртараптандыру – бәсекелестіктің басты шарттарының бірі. Келестік шаруалармен кездесіп, ауыл шаруашылығн дамыту бағытын талқыладық. 40-қа жуық азамат еңбектеніп жатқан жылыжай кешенінде болдым. Мұнда көкөністің бірнеше түрі және бұрыштың сан түрлі сорттары өсіріледі. Сонымен қатар кәсіпкер көкөністерді тұқым күйінде егіп, шаруаларға дайын көшет күйінде саудалауда. Саланы жетік меңгерген шаруа қожалықтың егесі сапалы өнім алудың қыр-сырымен бөлісуге дайын. 

Облыстың табиғи-климаттық жағдайын, мүмкіндігін ескере отырып, дамыған мемлекеттерден қалып қоймас үшін бәсекеге қабілетті әлемдік талаптарға сай өнім өндіруге ұмтылған жөн. Егілетін өнім сұранысқа сай болу керек. Бұл – бизнес. Сондықтан сатуды ойлау керек. Жаппай қырыққабат не қияр егіп, өткізе алмай қалудан қыруар еңбек пен қаражат зая кетуі мүмкін. Сондықтан бұл бағытты жүйеге қойып, алдын ала жоспарлау қажет, егістікті әртараптандыру өте маңызды. 

Сондай-ақ кәсіпкерлікті дамыту, өндіріс орындарын ашу, кәсіпкерлікке мемлекет тарапынан берілетін жеңілдіктерді тиімді жобаларға бағыттау барысын талқылап, аудан басшысына осы бағыттағы жұмыстарды күшейтуді тапсырдым. 

Іссапар барысында «Қызыләскер» қосалқы станциясының жұмысымен таныстым. Қосалқы станциядан облыстағы 5 аудан электр қуатын алады деп жоспарланған.

• 16.01.2023
• 253