Пияз экспортын шектеу жөніндегі ведомствоаралық комиссияның қабылданған шешімі ішкі нарықты қорғау үшін қабылданды

Ауыл шаруашылығы министрлігі мен әкімдіктер жүргізген 2023 жылғы маусымаралық кезеңде халықтың сұранысын толық қамтамасыз ету және бағаны ұстап тұру үшін қажетті пияздың нақты қолда бар қорларын талдау қорытындысы бойынша бүгінгі күні елімізде көкөніс қоры 152,4 мың тоннаны құрайды. Елімізде жыл сайын шамамен 315-360 мың тонна көлемінде пияз тұтыну кезінде ай сайынғы сұраныс 25-30 мың тоннаны құрайды. Осылайша, елдегі қолда бар пияз қоры көрші елдерден ерте егін түскенге дейін (дәстүрлі түрде – сәуір-мамыр айларында) халықтың сұранысын толық қамтамасыз ету үшін жеткілікті.

Сонымен қатар, үшінші елдердің нарықтарында қазақстандық пиязға деген сұраныстың артуы байқалады - бұл Азия мен әлемдегі ең ірі пияз өндірушілердің бірі Пәкістандағы табиғи апаттарға байланысты. Бұл елдегі су тасқыны әлемдік нарықта, оның ішінде біздің республикамызда да пияз бағасының өсуіне алып келді. Қазақстанның оңтүстік өңірлерінде, сондай-ақ Өзбекстанда қатты аяз әсерінен пияздың бүлінуі өнім бағасының өсуіне қосымша ықпал етті. Сыртқы нарықтардағы сұраныстың жоғары болуына байланысты жергілікті көкөністерді "сұр схемалар" арқылы басқа елдерге экспорттау ықтималдығы жоғары.

Барлық факторларды ескере отырып, сыртқы сауда саясаты және экономикалық ұйымдарға қатысу мәселелері жөніндегі ведомствоаралық комиссия пияз экспортына 3 ай мерзімге тыйым салу туралы шешім қабылдады. Бұл көрші елдерде жаңа дақыл пайда болғанға дейін пияздағы халықтың сұранысын қамтамасыз етуге мүмкіндік береді. Бұл ретте, ерте импорттық көкөністерді уақытылы жеткізу үшін Сауда және интеграция министрлігі 2023 жылғы маусымаралық кезеңде көкөністерді импорттау жөніндегі Жол картасының жобасын әзірледі. Бұл карта әлеуметтік маңызы бар азық-түлік өнімдерінің импортын өңірлер мен сауда желілері бойынша бөлу айырмашылығын, Кеден одағы көкөніс импортына жеткізушілермен уақытылы шарттар жасасу үшін өңірлердің әкімдіктері арқылы "айналым схемалары" бойынша сауда желілерін қаржыландыру мерзімдері мен көлемдерін көздейді. Өз кезегінде Сауда және интеграция министрлігі Qaztrade-тің Сауда саясатын дамыту орталығы арқылы уақтылы жеткізу үшін жасыл дәлізді қамтамасыз ету аясында жәрдем көрсетілетін болады.

• 20.01.2023
• 298