Жетісай ауданында жұмыс сапарымен болдым

Мемлекет басшысының ауылды және агроөнеркәсіп кешенін дамыту мәселелері жөнінде тапсырмалары сапалы орындалуы тиіс. Осы бағыттағы жұмыстарды бақылау мақсатында Жетісай ауданына жұмыс сапарымен барып, бірқатар кәсіпорындар мен нысандарды араладым. 
Елді мекендердің әлеуметтік инфрақұрылымын реттестірумен бірге, ауыл тұрғындарын жұ­мыспен қамту, табыс көзін қалыптастыру қатар жүруі керек. Бұл бағыттағы жұмыстарға басымдық беріледі. Осы екі бағытты бір-бірінен бөлуге болмайды. Мемлекеттік бағдарламалардың мүмкіндігі мен игіліктерін тұрғындарға түсіндіру керек. 
Сонымен қатар, ауыл тұрғындарына сапалы медициналық көмек көрсету де басты назарда. Өңірімізде медициналық орталықтар саны артуда. Жаңа ауыл ауылдық округіндегі Ынтымақ елді мекенінде орналасқан медицина орталығында болдым.  Орталық күніне 100 азаматқа дейін қызмет көрсетеді.
Іссапар барысында «Күлпаршын» базарында жүргізіліп жатқан құрылыс жұмыстарын пысықтап, кәсіпкерлермен пікірлестім. Қосымша қаражат қарастыру мәселесі қозғалды. Қосымша көмек мәселесін шешуге күш саламыз. Басты мәселе – зардап шеккендер көмексіз қалған жоқ. Қосымша тағы көмек болады. Бұл жағын заң аясында қарастырып көреміз. Жалпы жекеменшік кәсіпкерлердің шаруасына әкімдік араласа алмайды. Бірақ соған қарамастан, тұрғындар табасынан айрылмау үшін, барынша қолдау көрсетіліп жатыр. Жаңа сауда орталығы жақын күндері жұмысын бастайды.
Аудан басшысына нақты тапсырмалар жүктеп, жүйелі жұмыс жүргізуді тапсырдым.

• 21.01.2023
• 286