Кентаудағы жылу орталығының жұмысы бақылауда

Жылыту маусымына дайындық мәселесі тұрақты бақылауда болуы керек. Әрбір басшы, әрбір маман өзіне жүктелген міндетті абыроймен атқарса ғана ел қыстан қымтырылмай шығады. Кентаудағы жылу орталығының жұмысын бақылау үшін нысанды аралап, жұмысшылармен жүздестім. Бірер күн бұрын мұндағы екі қазандық істен шығып, шұғыл қалыпына келтіру жұмыстары жүргізілген болатын. Қазіргі таңда жағдай тұрақты. Алаңдауға негіз жоқ. 
Алдағы уақытта мұндай кемшіліктерге жол бермеу үшін, тұрғындарға үздіксіз жылу беру мәселесін жан-жақты қарап жатырмыз. Бүгінде бу-газ турбиналы қондырғыларын орнату тиімді болып отыр. Бұл бағытта заманауи орталық салуға қызығушылық танытқан бірнеше инвестормен жұмыс жүргізіп жатырмыз. 
Жылыту маусымын сапалы және үзіліссіз өткізу мақсатында №5 ЖЭО негізгі және қосалқы қондырғыларын, төрт қазандығы мен турбогенераторды ағымдағы жөндеуге қажетті қаржы бөлінген. Ағымдағы жөндеу бойынша барлық жұмыс жүргізілді. Сонымен қатар жылыту маусымына қажетті отынмен қамтамасыз ету мәселесі де маңызды. Көмір сапасын тұрақты назарда ұстауды, өңірдегі жылу орталықтарының жұмысын бақылап, тұрғындарға қолайлы жағдай жасау жөнінде тапсырма бердім.

• 21.01.2023
• 261