"Ауыл - Ел бесігі" жобасын жүзеге асыруда Түркістан өңірі алдыңғы қатарда

ҚР Премьер-Министрі Әлихан Смайыловтың төрағалығымен өткен Үкімет отырысында «Ауыл – Ел бесігі» жобасын іске асыру барысы қаралды. Бұл жоба ауылдағы өмір сүру сапасын жақсартуға бағытталған. Аталған жоба аясында 2027 жылға қарай Республика бойынша даму әлеуеті жоғары 3,5 мың ауыл іріктеліп, өңірлік стандарттар жүйесіне сай дамыту жоспарлануда. Яғни, ауылдарда сапалы жолдар мен мәдениет, спорт және денсаулық сақтау нысандары, мектептер бой көтереді. Сонымен қоса ауыл инфрақұрылымын дамытуға баса мән беріледі.

Үкімет отырысында «Ауыл – Ел бесігі» жобасын іске асыру туралы өңірде атқарылып жатқан жұмыстарды баяндадым.

Өткен жылы «Ауыл – Ел бесігі» жобасы аясында Түркістан облысындағы 104 елді мекенде 253 жобаны іске асыру жоспарланған. 164 нысан бой көтеріп, ел игіліне пайдалануға берілді. Жобаларды жүзеге асыру барысында 3,5 мыңға жуық уақытша жұмыс орындары ашылды. Ал құрылысы жүріп жатқан ауқымды нысандар биыл тапсырылмақ. Биыл 143 елді мекенде 294 жобаны іске асыру жоспарлануда. Жобаларды іске асыру аясында 4,5 мыңға жуық жұмыс орнын ашылмақ.

Үкімет басшысы Түркістан облысында жобаларды жүзеге асыру қарқынын оң бағалады.

Облысымызда тұрғындардың 80 пайызы ауылды елді мекендерде тұрғандықтан, бұл жоба біздің өңір үшін өте маңызды. Ауыл тұрғындарының өмір сүру сапасы мен әл-ауқатын арттыру, қолайлы өмір сүруіне жағдай жасау бағытындағы жұмыстарға күш саламыз. Жобаның іске асырылуы тұрақты бақылауда.

• 21.01.2023
• 281