ТЖМ-да үкіметтік емес ұйымдар және волонтерлік ұйымдар өкілдерімен кездесу өтті

Кеше «Қоғам және мемлекет: #Birgemiz әріптестік пен дамудың 30 жылы» тақырыбында Қазақстанның IX Азаматтық форумын өткізу шеңберінде үкіметтік емес ұйымдар және волонтерлік ұйымдар өкілдерімен кездестім. Іс-шара онлайн режимде өтті.

ZOOM режимінде конференцияға Қазақстанның Азаматтық Альянсының, Қызыл Жарты Ай қоғамының президенті, «Nur Otan» партиясы жанындағы «Jas Otan» Жастар қанатының, «Қазақстан Волонтерлер лигасы» қоғамдық қорының, «Ұлттық волонтерлік желі» ЗТБ, ТЖ департаменттері мен басқа да үкіметтік емес және волонтерлік ұйымдардың өкілдері қатысты.

Іс-шарада азаматтық қорғау органдарының үкіметтік емес ұйымдармен және волонтерлік ұйымдармен төтенше жағдайлардың салдарын жою кезінде, сондай-ақ табиғи және техногендік сипаттағы төтенше жағдайлардың алдын алуда өзара іс-қимылы мәселесі талқыланды.

• 27.11.2020
• 301