Халықаралық ынтымақтастық туралы

Қылмысқа қарсы бірлескен іс-қимыл шеңберінде шет мемлекеттермен ынтымақтастықты белсенді түрде дамытып келеміз.

Қазақстан 34 шет елмен қылмыстық-құқықтық салада 72 екіжақты шарт жасасты. Бұл қылмыстық істер бойынша құқықтық көмек көрсету, іздеуде жүрген адамдарды ұстап беру және сотталған адамдарды беру туралы шарттар.

Сондай-ақ, біздің еліміз Солтүстік және Оңтүстік Американың 27 елін қамтитын үш америкааралық Конвенцияның (ұстап беру туралы, қылмыстық істер бойынша құқықтық көмек көрсету туралы, шетелде қылмыстық жазасын өтеу туралы) толық қатысушысы болып табылады.

Құрылған халықаралық-құқықтық база және шетелдік әріптестермен жолға қойылған байланыстар қылмыстық-құқықтық салада неғұрлым тығыз ынтымақтасуға және қылмыскерлерді жазалаудың бұлтартпаушылық қағидатын қамтамасыз етуге мүмкіндік берді.

Өткен жылы жүргізілген жұмыстың арқасында шет мемлекеттер іздеуде жүрген адамдарды экстрадициялау туралы 50 сұрау салуымызды қанағаттандырды.

• 27.01.2023
• 248