Бизнесті қорғау аясында

Заңға бағынатын бизнесті негізсіз тексерулер мен қудалаулардан қорғау прокуратура органдарының қадағалау қызметіндегі маңызды басым бағыттарының бірі болып табылады.

2022 жылдың мамыр айынан бастап прокурорлар кәсіпкерлерге қатысты басталған сотқа дейінгі барлық тергеулерге тексерулер жүргізді. Оның қорытындысы бойынша экономика саласындағы 360-тан астам қылмыстық іс тоқтатылды.

2022 жылғы 2 қыркүйекте қылмыстық қудалау органдарына бизнес субъектілеріне қатысты сотқа дейінгі тергеп-тексерулерді тіркеу тәртібін егжей-тегжейлі регламенттейтін арнайы Нұсқау жіберді.

Оң нәтижелер бар. Егер бұрын еліміз бойынша кәсіпкерлерге қатысты ай сайын 150-ге жуық іс қозғалса, қазір олардың саны 2,5 есеге азайды.

Прокуратура органдарының бизнесті қорғау жөніндегі мобильді топтары кәсіпкерлердің 3 мыңнан астам өтінішін қарады, әрбір 4-і өз растауын тапты.

Жалпы, 2022 жылы кәсіпкерлік саласындағы бұзушылықтар бойынша 1 330 қадағалау актісі енгізілді, уәкілетті органдардың 1230 заңсыз тыйым салу және шектеу шаралары жойылды, 1 240 адам жауапкершілікке тартылды.

• 30.01.2023
• 189