Тұрғындар үшін онлайн қабылдау өткіздім

Ел Президенті «Халық үніне құлақ асатын мемлекет» тұжырымдамасын жүзеге асыруды тапсырды. Бұл ретте тұрғындардың әрбір өтініші ескерусіз әрі жауапсыз қалмауы тиіс. Заң шеңберінде түсіндіру және қолдау жұмыстары атқарылуы қажет. 

Облыстың бірқатар тұрғындарының жеке мәселелерін қарадық. Сарыағаштық тұрғын асфальт төсеу, жолды жөндеу, газ және су құбырларын тарту мәселесін қозғады. Бұл мәселе бойынша жауаптыларға зерделеу туралы тапсырма бердім. Ал тағы бір тұрғын Шардара ауданында суармалы жер беру, шалғай ауылға емдеу мекемесін салу жөнінде ұсынысын жеткізді. Шардарадағы суармалы жер конкурсқа беріледі. Сайрамдық тұрғын аудан орталығындағы алаңның құрылысы сапасыз жүргізілгені және мектептегі заңсыздық туралы шағымданды. Мердігердің жұмысы және мектеп деректорына қатысты шағым да тексеріледі. Сонымен қатар қабылдауда болған басқа тұрғындардың да өтініштері мен ұсыныстары назарға алынады. Барлық өтініш иеслерінің мәселелері бойынша заңды шешім қабылданып, тиісті жұмыстар жүргізіледі.

Жергілікті тұрғындардың аудандарына қатысты ортақ мәселелерді көтергені қуантады. Тұрғындардан артық елді мекендердің жайын ешкім білмейді. Бірлесіп жұмыс атқаруымыз қажет. Сіздерден ұсыныс болса, бізден Заң аясында әрекет болады.

• 31.01.2023
• 224