ҚР СІМ-де Қазақстан мен Қытайдың екіжақты ынтымақтастық мәселелері талқыланды

Астана, 2023 жылғы 2 ақпан – Қазақстан Республикасының Сыртқы істер министрінің орынбасары Қанат Тумыш Қытай Халық Республикасының Қазақстан Республикасындағы Елшісі Чжан Сяомен кездесу өткізді.

Келіссөздер барысында тараптар Қазақстан-Қытай жан-жақты стратегиялық әріптестікті дамытудың ахуалы мен келешегі, сондай-ақ халықаралық күн тәртібіндегі өзекті мәселелер бойынша пікір алмасты.

Қ.Тумыш жоғарғы және жоғары деңгейде саяси диалогты одан әрі нығайтудың, сондай-ақ коронавирус індетінен кейінгі кезеңде сауда-экономикалық және инвестициялық ынтымақтастықты жандандырудың маңыздылығын атап өтті.

Тараптар 2022 жылы 24,1 млрд АҚШ долларын құрған екіжақты тауар айналымы көрсеткішінің оң динамикасын қанағаттанушылықпен атап өтті.

• 03.02.2023
• 182