Су басқан бірнеше елді мекенді аралап, тұрғындармен кездестім

Су басқан бірнеше елді мекенді аралап, тұрғындармен кездестім. Ораңғай, Құсшы ата, Қарнақ, Шаға ауылдарының жағдайымен таныстым. 

Жауын шашынның мөлшерден тыс көп түсуі, ауа райының күрт жылынып, қардың еруі осы жағдайға әкелді. Тұрғындардың қауіпсіздігі мен амандығы маңызды. Бұл жағдайда сабыр керек. Ең бастысы, ел аман. Барлық аудан, қаладағы жағдай бақыланып, тиісті жұмыстар атқарылып жатыр. Ирригациялық жүйелер ашылып, каналдар тазартылған. Бәрі ретке келтіріледі. 

Ауа райының алдын ала болжамы назарға алынып, қауіпсіздік нығайып, арықтар мен атыздар, каналдар тазаланды. Техника мен төтенше жағдай департаментінің  мамандары, жергілікті әкімдіктер дайындыққа келтірілді. Соның арқасында үлкен шығындар мен апаттарға тосқауыл қойылып отыр. 

Жауын-шашын тоқтап, су деңгейі төмендеген. Дегенмен, қауіпсіздік шаралары күшейтіледі. Су басу қаупі бар аймақтары мен су нысандарында 24 сағаттық кезекшілік ұйымдастырылған. Судың деңгейі және елді мекендерді тасқын судан сақтау жұмыстары тұрақты бақылауда.

• 03.02.2023
• 227