Біз азаматтық қоғаммен диалогқа ашықпыз

 ІХ Азаматтық Форум аясында азаматтық сектор мен Үкіметтік емес ұйымдар өкілдерімен кездестім. Елдегі маңызды экологиялық проблемаларды талқыладық. Министрліктің қоршаған ортаны қорғау саласындағы қызметінің негізгі бағыттары мен нәтижелерi туралы айттым. Біз өз жұмысымызда әрқашан «еститін мемлекет» принципін ұстанамыз және азаматтық қоғаммен диалогқа ашықпыз. Себебі-қоршаған ортаны қорғау бәрімізді біріктіретін ортақ іс. Үкіметтік емес ұйымдар экологиялық  саясат пен өңірлердегі өткір проблемаларға қатысты позицияларын білдірді. Эко белсенділермен осы жылы біз қоғаммен бірге өңірлерлердегі экологиялық проблемаларды шешуге бағытталған Жол картасы аясындағы іс-шараларды, ұлттық парктерде экотуризмді дамыту жолдарын, тағы да басқа мәселелерді ортаға салдық. Алда әлі қоғаммен бірлесе атқаратын жұмыс көп. Экологиялық мәселелер көп қырлы, бәрі де кешенді түрде қарастыруды талап етеді. Сондықтан біз үшін қоғам тарапынан кері байланыстың болуы аса маңызды. Қоғам белсенділерінің азаматтық ұстанымдары мен ұсыныстарына зор алғыс білдіремін.

• 27.11.2020
• 221