Қылмысқа қарсы күрестегі халықаралық-құқықтық ынтымақтастық туралы

Біз шет мемлекеттермен қылмыстық-құқықтық салада халықаралық шарттар жасасу бойынша жұмысты жалғастырып келеміз.

Бүгін Франциямен және Өзбекстанмен екі шарт ҚР Парламенті Сенатында ратификациялау рәсімінен өтті.

Франциямен құқықтық көмек туралы шарт біздің елдеріміздің құқық қорғау органдарына күдіктілер мен айыпталушылардың кінәсін дәлелдеуге, оның ішінде қылмыстық жолмен алынған ақша қаражаттарына және өзге де мүліктеріне тыйым салуға және тәркілеуге мүмкіндік береді.

Сотталған адамдарды беру туралы Өзбекстанмен жасалған шарт оларға бас бостандығынан айыру түрінде жазаларын одан әрі өз отанында  теуге мүмкіндік береді.

Естеріңізге сала кетейін, өткен жылдың соңында Қазақстан Кипр Республикасымен қылмыстық істер бойынша құқықтық көмек көрсету және ұстап беру туралы шарттар жасасқан болатын. Қазір құжаттар пакеті ратификациялауға дайындалып жатыр.

Алыс шетелдердің 34 елімен барлығы 72 шарт жасалды (29 – қылмыстық істер бойынша өзара құқықтық көмек көрсету туралы, 21 – ұстап беру туралы, 22-сотталғандарды беру туралы).

• 09.02.2023
• 199