Қазақстан мен Түркия елінің арасындағы достық қарым-қатынас өте тереңде жатыр

Қазақстан мен Түркия елінің арасындағы бауырмалдық, достық қарым-қатынас өте тереңде жатыр. Сондықтан біздің ел, оның ішінде өзім де Түркиядағы төтенше жағдайды ауыр күйзеліспен қабылдадым. Кеше түрік халқының басына ауыр күн туып, жойқын жер сілкінісі салдарынан жүздеген адам қаза тапты. Бауырлас елдің қайғысына ортақпыз. 

Мемлекет басшысы Қасым-Жомарт Тоқаев алғашқылардың бірі болып көңіл айту жеделхатын жолдап, Түркияға қажетті көмек көрсететуге дайын екенін жеткізді. 

Президент  Үкіметке Түркия еліне шұғыл түрде көмек көрсетуді тапсырды.  Сыртқы істер министрлігі мен Төтенше жағдайлар министрлігі түрік билігімен байланыс орнатты. Зілзаладан зардап шеккен өңірлерге қазақстандық құтқарушылар мен дәрігерлер көмек көрсетуге барады. Қазақстан тарапынан гуманитарлық көмек те көрсетіледі. 

Түркияның Түркістан өңіріне, Түркістан шаһарына деген құрметі, ықыласы айрықша. Оны жақсы білеміз және қайғыларын жүрекпен сезінеміз. Түркия жылдам еңсесін тіктейтініне сенеміз!

• 10.02.2023
• 91