СИМ мен SCE (Сингапур) арасындағы меморандумға қол қою туралы баспасөз хабарламасы

2020 жылғы 27 қарашада Қазақстан Республикасының сауда және интеграция министрлігі (СИМ) мен Сингапур ынтымақтастық кооперациясы кәсіпорны (SCE) Қазақстан Республикасында цифрлық және электронды сауданы дамыту мақсатында өзара іс-қимыл саласындағы өзара түсіністік туралы меморандумға қол қойды. Бұл меморандум цифрлық және электронды сауда саласындағы озық тәжірибелермен алмасу арқылы ынтымақтастықты дамытуды көздейді.

Қазақстан Республикасында цифрлық сауданы дамыту Үкімет белгілеген басым міндеттердің бірі болып келеді және бұл саладағы әлемдік көшбасшылармен ынтымақтастықты кеңейту оның ажырамас бөлігі болып табылады. Осы меморандумға сәйкес, SCE өз құзыреті шегінде СИМ-не цифрландырудың бес негізгі бағыт бойынша,  соның ішінде электронды сауда саласындағы цифрлық жобаларды іске асыру және цифрлық экономикаға кадрларды даярлау бойынша жол картасын іс жүзінде жүзеге асыруға көмектеседі.

SCE, Сингапурдың Сауда және өнеркәсіп министрлігі мен Сыртқы істер министрлігі негізінде құрылған және Сингапурдың мемлекеттік секторының шетелдік серіктестермен бірлескен жобаларын басқарады және бірқатар елдерде экономикалық дамуға консультативтік қолдау көрсетеді.

Бүгінгі күні Қазақстан мен Сингапурдың негізгі экономикалық мәселелерді шешу бойынша және әлеуетті арттыру бойынша өзара тығыз байланыс тәжірибесі жеткілікті. Сауда және интеграция вице-министрі Әсел Жанасованың айтуынша: «Электронды сауданы дамытудағы халықаралық ынтымақтастық пен серіктестіктің рөлі әрқашан маңызды болған және болып қалады. Біз бұл саладағы жаңа бастамаларға ашықпыз және маңызды серіктестеріміздің бірімен жемісті ынтымақтастық күтеміз».

• 28.11.2020
• 296