«Цифрлық теңге» жобасы бойынша ақпараттық семинар өткізу туралы

Алматы қаласында Халықаралық валюта қорының Кавказ, Орталық Азия және Моңғолия өңірі үшін әлеуетті дамытудың өңірлік орталығының алаңында ҚР Ұлттық Банкімен және ҚР Қаржы нарығын реттеу және дамыту агенттігімен (бұдан әрі – Агенттік) бірлесіп әзірленген цифрлық теңгені енгізу жобасына арналған ақпараттық семинар өтті.

Аталған іс-шараға ҚР Ұлттық Банкінің, Дүниежүзілік банктің, Халықаралық валюта қорының, Азия даму банкінің, Алматы қаласындағы Германия консулдығының, Алматы қаласындағы Ресей консулдығының, Алматы қаласындағы АҚШ Бас консулдығының, сондай-ақ ҚР екінші деңгейдегі банктерінің өкілдері қатысты.

Бұл іс-шараның мақсаты цифрлық теңгені таныстыру және мемлекеттік органдармен, халықаралық ұйымдармен және қаржы секторының қатысушыларымен өзара іс-қимыл құру болып табылады.

Цифрлық теңге қолма-қол және қолма-қол ақшасыз қаражатпен бірге пайдаланылатын есеп айырысудың үшінші нысанын болжайды.

Аталған жобаны іске асыру Интернетке қолжетімділігі шектеулі өңірлерде олардың құнын және цифрлық теңгемен операцияларды оффлайн режимде жүзеге асыру мүмкіндігін төмендету есебінен халық үшін төлем қызметтерінің қолжетімділігін арттыруға оң әсер етеді.

Одан әрі бұл қаржылық емес коммерциялық қызметті цифрландыруды жеделдетеді және тауарлар мен қызметтердің айналымын арттырады.

Бұдан басқа, цифрлық теңге жаңа қаржы өнімдерін енгізудің арқасында Қазақстанның қаржы нарығында бәсекелестікті арттыруға мүмкіндік береді.

Цифрлық инфрақұрылымды одан әрі дамыту және оны басқа елдердің ұқсас жүйелерімен ықпалдастыру мүмкіндігі есебінен қаржы нарығының жаһандық бәсекеге қабілеттілігін арттыру, төлемдердің ашықтығын қамтамасыз ету, сондай-ақ трансшекаралық төлемдерді кеңейту және олардың құнын төмендету нәтижесі болады.

Алайда жобаның тәуекелдері бар, оларды қазіргі уақытта Агенттік пен Ұлттық Банк қаржы нарығына қатысушылармен бірлесіп пысықтауда.

Атап айтқанда, цифрлық валюталардың ақпараттық қауіпсіздік пен кибершабуылға байланысты операциялық тәуекелдері, ақшаны жылыстатуға және терроризмді қаржыландыруға қарсы іс-қимыл (АЖ/ТҚҚ) бойынша тәуекелдері болуы ықтимал.

Сонымен қатар ағымдағы шоттар мен электрондық әмияндар арасында қаражатты қайта бөлу кезінде банктердің өтімділік тәуекелдері де туындауы мүмкін.

Осыған байланысты, цифрлық теңгені енгізу электрондық әмияндардағы қаражаттың сақталуын және транзакциялар жасау қауіпсіздігін қамтамасыз ететін ақпараттық және киберқауіпсіздік шараларымен қатар жүзеге асырылуға тиіс.

Барлық көрсетілген бағыттар бойынша Агенттік Ұлттық Банкпен, қаржы қоғамдастығымен және халықаралық сарапшылармен бірлесіп цифрлық теңге жобасын тиімді енгізу үшін кешенді шаралар әзірлеу жөніндегі жұмысты жалғастырады.

• 24.02.2023
• 174