Омаров М.Т.
ҚР Бәсекелестікті қорғау және дамыту агенттігің төрағасы
БӘСЕКЕЛЕСТІКТІ ДАМЫТУ ЖӨНІНДЕГІ САЛАЛЫҚ ЖОЛ КАРТАЛАРЫ ҚАБЫЛДАНДЫ
«Қазақстан Республикасында бәсекелестікті қорғау мен дамытудың 2022-2026 жылдарға арналған Тұжырымдамасын бекіту туралы» Қазақстан Республикасы Президентінің 2022 жылғы 22 маусымдағы № 938 Жарлығын орындау шеңберінде ҚР Бәсекелестікті қорғау және дамыту агенттігі (бұдан әрі-Агенттік) Үкіметпен бірлесіп бәсекелестікті дамыту бағыты бойынша жұмыс жүргізуде.
Атап айтқанда, бәсекелестікті қорғау және дамыту агенттігі салалық мемлекеттік органдармен бірлесіп бәсекелестікті дамыту бойынша салалық жол карталарын қабылдады:
- Мұнай және мұнай өнімдері нарығында;
- Көмірді өткізу нарығында;
- Азаматтық авиация саласында;
- Агроөнеркәсіптік кешен саласында;
- Тұрғын үй құрылысы саласында;
- Денсаулық сақтау саласында;
- Дәрілік заттарды сақтау және тасымалдау қызметтері.
Теміржол көлігі, телекоммуникация, тауарлық газ, электр энергетикасы, қаржы нарықтары нарықтарындағы бәсекелестікті дамыту жөніндегі жол карталары келісу сатысында. Тұжырымдаманың қолданылу мерзімі ішінде 2026 жылға дейін іс-шаралар пысықталуына қарай аталған жол карталары жаңартылып, басқа тауар нарықтары бойынша жаңалары қабылданатын болады.
Бекітілген Жол карталарымен Агенттіктің ресми интернет-ресурсында толығырақ танысуға болады: https://www.gov.kz/memleket/entities/zk/documents/details/435863?lang=kk
Жол карталарының орындалуына ай сайын мониторинг жүргізіліп отыратын болады. Сондай-ақ осы жұмысқа азаматтар белсенді қатыса алады. Егер Сіздің ойыңызша қандай да бір іс – шаралар орындалмаған жағдайда-өз ескертулеріңізді келесі мекенжай бойынша жіберуіңізді сұраймыз: (k.kense.azrk@azrk.gov.kz, (7172) 751641; 749701).
- 28.02.2023
- 85
