Сіздерді Алғыс айту күнімен шын жүректен құттықтаймын!

Қымбатты отандастар!

Сіздерді Алғыс айту күнімен шын жүректен құттықтаймын!

Бірлік пен татулықты ту еткен бейбітшіл еліміз үшін бұл мерекенің маңызы зор.

1 наурыз – Қазақстанда мекендейтін ұлттар мен этностар арасындағы адамгершілік қарым-қатынасының өнегелі өлшеміне айналды. Халқымыздың ауызбірлігін нығайтып, Тәуелсіздігіміздің тұғырын биіктетуде әрі ырыс-ынтымағымызды жаңа белеске көтеруде алғыс айтудың символдық мәні бөлек. 

Осы күні бір-бірімізге деген жылы ілтипатты білдіру арқылы жақсылықты бағалай білуге, адами құндылықтарды қадірлеп, өзара сыйластық пен құрмет көрсетудің озық үлгісіне куә болып жатамыз. Дархан көңілді қазақ халқы қашанда сабырлы мінезімен небір қиындыққа төтеп беріп, келешекке үмітпен қараудан айнымаған.

Мейірімділік пен қамқорлық сабақтастығы бүгінде жалғасын тауып, бұл болашағымыздың кемел боларына сенім ұялатады. Мемлекет басшысы Қасым-Жомарт Кемелұлы айтқандай: «Біз біртұтас және еңбекқор ұлт болсақ, көздеген мақсаттарымызға жетеміз». Президентіміздің сөзін қуаттай келе береке-бірлігі жарасқан қоғамда ғана әділет салтанат құрып, өркениетті өмірге қадам басу жеңілдей түседі деп сенемін.

Баршаңызға зор денсаулық, ұзақ ғұмыр және мол бақыт тілеймін!

• 01.03.2023
• 249