Мұнай-газ саласындағы ынтымақтастық талқыланды

2023 жылдың 4 наурызында Ядролық физика институтының бас директоры Саябек Сахиев Сафи Өтебаев атындағы Атырау мұнай және газ университетінің (АтМГУ) басшылығымен және профессорлық-оқытушылық құрамымен кездесті. Кездесу барысында бас директор мұнай және мұнай өнімдерін өңдеу жобасы туралы айтты. Ядролық физика институтының газдан сутекті көміртексіз өндіру жобасы таныстырылды. Сонымен қатар Институт  бас директоры ЯФИ-дің білім және ғылым бағытындағы ынтымақтастық негізінде 30-дан астам халықаралық ұйымдармен  жүргізілген жұмыстарына тоқталды. Ғылыми-зерттеу және тәжірибелік-конструкторлық жұмыстардың толық циклін жүргізетін жалғыз Институт екенін атап өтіп, ЯФИ-дің Қазақстан Республикасының атом саласы үшін кадрлар даярлауда өте үлкен тәжірибесі мен базасы бар екенін жеткізді. Сондай-ақ  кездесу барысында бірлескен ғылыми зерттеулер мен экология жағдайы талқыланды. Сонымен қатар тараптар:

1. Электронды үдеткіштер базасында (не ЯФИ-де, не Атырау Мұнай және газ университетінде)бірлескен ғылыми-технологиялық орталық құру;

2. Азғыр экспедициясының жақын аудандарындағы радиациялық-экологиялық жағдайды бірлескен зерттеу   мәселелерін қарастырды.

ЯФИ мен АтМГУ мұнай және газ саласы бойынша екіжақты ынтмақтастықты дамуға келісті.

• 06.03.2023
• 199