Қазақстан Республикасының Тұңғыш Президенті күні құтты болсын!

Құрметті әріптестер!

 Сіздерді бүгінгі айрықша мемлекеттік мереке – Қазақстан Республикасының Тұңғыш Президенті күнімен құттықтаймын!

       Бұл күнді біз білікті саясаткер, тәжірибелі басшы, ұлтжанды азамат Нұрсұлтан Әбішұлы Назарбаевтың мемлекет пен халыққа сіңірген еңбегін елеп, алғыс білдіру үшін атап өтеміз. Нұрсұлтан Әбішұлының есімімен тәуелсіз ел тарихындағы ядролық қарудан бас тарту, ұлттық валютаны шығару, астананы көшіру, шекараны демаркациялау, ДСҰ-ға кіру, Кеден одағына кіру, Азиаданы өткізу, ТМД-да алғаш рет ЕХРО халықаралық көрмесі сияқты ауқымды оқиғалармен байланыстырылады.

    Мемлекет басшысының құрметіне арналған бүгінгі мерекемен тағы бір мәрте құттықтай отырып,          Сіздерге зор денсаулық, еңбекте табыс, отбасыларыңызға амандық тілеймін. Еліміз бейбіт, жеріміз аман, қазынамыз берекелі болсын!

• 30.11.2020
• 490