Тамара Дүйсенова Қазақстан әйелдерін 8 наурыз мерекесімен құттықтады

Қазақстан Республикасы Еңбек және халықты әлеуметтік қорғау министрі Тамара Дүйсенова қазақстандық әйелдерді Халықаралық әйелдер күнімен құттықтап, оларға зор денсаулық, бақыт пен шаттық тіледі.

«Құрметті арулар, сіздерді шын жүректен 8 наурыз мерекесімен құттықтаймын! Көктемнің шуағы сіздерге бақыт, жүректеріңізге жылулық пен махаббат әкелсін, әрдайым армандарыңыз орындалып, ең жақын адамдарыңыз қастарыңыздан табылсын.

Әр әйел отбасының ұйытқысы, тыныштықтың шырақшысы. Мемлекетіміздің әлеумет саласында қызмет етіп жүрген әйелдер жас баладан бастап қарияға дейін қарап, оларға қамқор болып, көмектерін аямай, шын ниетімен еңбек етуде.

Барлық әйелдерге, ардақты аналарымызға, қыздарымыз бен сіңілдерімізге зор денсаулық пен бақыт, шаттық пен құт-береке, отбасыларыңызға амандық тілеймін!» - деді Тамара Дүйсенованың құттықтау сөзінде.

• 07.03.2023
• 190