Жәбірленушілерге өтемақы қоры туралы

«Жәбірленушілерге өтемақы қоры туралы» Заң 2018 жылғы 1 шілдеден бастап жұмыс істейді, ал 2020 жылғы 1 шілдеден бастап Қаржы министрлігі оларды төлеуді бастады. 

Өтемақы – Қазақстан Республикасының Қылмыстық-процестік кодексіне сәйкес жәбірленуші деп танылған адамға осы Заңда белгіленген тәртіппен біржолғы ақша төлемі.  

Бүгінде Қордан азаптау және ауыр қылмыс құрбандарына 312 млн теңге төленді.

Көмек алушылар: жыныстық зорлық-зомбылыққа байланысты қылмыстар бойынша жәбірленуші болып табылатын кәмелетке толмағандар; адам саудасы мен азаптауға байланысты қылмыстар бойынша жәбірленуші деп танылған адамдар; денсаулығына ауыр зиян келтірілген не адамның иммун тапшылығы вирусын жұқтырған адамдар; жәбірленуші қайтыс болған жағдайда жәбірленуші құқықтары берілген адамдар болып табылады.

Қор барлық сотталған адамдардан сот үкімімен өндіріп алынатын мәжбүрлі төлемдер есебінен құрылатынын атап өтемін.

Оның мақсаты - қылмыстан материалдық зардап шеккен, бірақ қылмыс ашылмағандықтан немесе кінәлі сот төрелігінен жасырынғандықтан өтемақы алмаған азаматтарды қолдау.

• 10.03.2023
• 180