Инвестициялық келісімдер мен сауда келісім-шарттарының іске асырылуын талқыладық

ҚР Премьер-Министрінің орынбасары – сауда және интеграция министрі Серік Жұманғарин мен ӨР Премьер-Министрінің орынбасары Жамшид Ходжаевпен бірге Мемлекет басшысы Қасым-Жомарт Тоқаевтың  желтоқсандағы Өзбекстанға сапары аясында қол қойылған инвестициялық келісімдер мен сауда келісім-шарттарын іске асыруын талқыладық. 
Бірлескен бірқатар ірі жобаларға тоқталсам, Ташкент облысында мультимодальды логистикалық орталықтың құрылысы бойынша техникалық-экономикалық негіздемені әзірлеуге шарт жасалды. 
Тағы бір перспективті бірлескен жоба – «Орталық Азия» халықаралық өнеркәсіптік ынтымақтастық орталығын құру. Нысанды «Атамекен» (Қазақстан) және «Гүлстан» (Өзбекстан) халықаралық өткізу бекеттерінің аймағында салу жоспарлануда. 
Қырғызстанмен шекарада сауда-логистикалық хаб салу жайы талқыланды. Сондай-ақ кездесуде алмастырылатын өнімді жүйелі жеткізуді ұйымдастыру үшін бірлескен сыртқы сауда компаниясын құру тұжырымдамасын бекітілді. Жұмыс тобының қатысушылары энергетика, көлік, ауыл шаруашылығы, электротехника өнеркәсібі және машина жасау, инфрақұрылымдық құрылыс, фармацевтика, химия салалары саласындағы кооперациялық және инвестициялық жобалардың орындалуын қарастырды.

• 14.03.2023
• 185