Канада Елшісі Алан Хэмсонның сапары туралы

2023 жылғы 21 ақпанда Канаданың Қазақстандағы, Қырғыз Республикасындағы және Тәжікстандағы Елшісі Алан Хэмсон мырзамен кездесу өткізілді.

Кездесу барысында елші мырза елшілікпен достық қарым-қатынасты қолдағаны үшін алғысын білдіріп, Қазақстан Республикасы мен Канаданың тарихи жемісті ынтымақтастығын атап өтті.

Сондай-ақ, Канада үшін Қазақстандағы инвестициялық мүмкіндіктер, екі елдің қысқа мерзімді және орта мерзімді экономикалық перспективалары, сондай-ақ FinTech бағытының дамуы мен әлеуетті тәуекелдері талқыланды.

Алан Хэмсон мырза Канада елшілігі тартылған ағымдағы және әлеуетті жобалар, сондай-ақ олардың Қазақстан экономикасына және бизнес-жобалардың дамуына әсері туралы хабарлады.

Кездесу барысында Қазақстанның қаржы нарығындағы ахуал және оның ағымдағы жылғы даму перспективалары талқыланды. Бұдан басқа, қаржы секторының субъектілеріне қатысты санкциялардың енгізілуіне байланысты тәуекелдерді реттеу жөніндегі Агенттік қабылдаған шаралар, банктердің орнықтылығын арттыру және тәуекелге бағдарланған қадағалауды дамыту жөніндегі шаралар, тұтынушылық кредиттеу тәуекелдерін төмендету, сондай-ақ Агенттіктің қаржы нарығында ESG-қағидаттарын енгізу жөніндегі іс-шаралары талқыланды.

• 15.03.2023
• 192