Төлеби тұрғындарымен кездестім

Төлеби ауданының тұрғындарымен кездесіп, ауданды дамыту бағытындағы жоспармен бөлістім. Төлебиліктердің өзекті сұрақтарына жауап беріп, барлық құқық қорғау органдары және сала басшыларымен бірге бірыңғай қабылдау өткіздік. 

Біздің міндетіміз – халыққа қолайлы жағдай жасау. Ұсыныстар назарға алынады. Біз бірінші кезекте ауыз су, инфрақұрылым мәселелерін шешуге басымдық береміз. Төлеби ауданында да осы салаларды жақсарту бойынша жұмыс жүргізіліп жатыр. Былтырғы кездесуде төлебиліктер көтерген 14 мәселенінің 12-сі шешімін тапты. Ленгір қаласындағы қосалқы электр станциясының құрылыс жұмыстары жүргізілуде. Ленгір қаласының Бірінші мөлтек ауданындағы 35 көпқабатты тұрғын үйдің аулаларын абаттандыру жұмыстарына және Оқушылар үйіне қосымша оқу корпусын салу бойынша қаржы бөлінді. 

Бұдан бөлек, тұрғындардың өтініштері бойынша Аққұм, Киелітас ауылдық окургтерінде мәдениет үйлері салынбақ. Қасқасу елді мекенін табиғи газбен қамтамасыз ету биылға жоспарланған. Тағайна елді мекенінің көшелеріне электр желілерін жүргізуге, Зертас және Тағайна елді мекендерінде орналасқан мектептердің қосымша корпус ғимаратын салу үшін қаржы толық қарастырылды. Бірінші мамыр елді мекенінде заманауи үлгідегі спорттық-сауықтыру кешені биыл тапсырылады. «Жайлы мектеп» пилоттық ұлттық жобасы аясында ауданда 4 мектеп салынады. 

Инвесторлар тарту, жаңа кәсіпорындарын ашу арқылы өңір экономикасы да, тұрғындардың әл-ауқаты да көтерілетіні анық. Биыл ауданда 15 инвестициялық жобаны іске асыру жоспарлануда. Оның ішінде Зертас ауыл округінде құс фабрикасының құрылысы басталмақ. Көксәйек ауыл округінде мал бордақылау алаңын салу жоспарлауда. 

Жалпы, облыста Төлеби ауданының инфрақұрылымы анағұрлым жақсы. Табиғаты әдемі, ауасы таза аймақта туризмді дамытуға, инвестициялық жобаларды жүзеге асыруға толық мүмкіндік бар. Осы бағытта жұмыс күшейтілуі тиіс.

• 17.03.2023
• 87