Төтенше жағдайлар министрі Ю.В. Ильиннің Қазақстан Республикасының Тұңғыш Президенті күнімен құттықтауы

Барлық қазақстандықтарды, азаматтық қорғау органдарының ардагерлерін, қызметкерлерін, өрт сөндірушілерді, құтқарушыларды, әскери қызметшілерді, медицина, авиация, оқу орталықтары қызметкерлерін және Көкшетау техникалық институты курсанттарын, сондай-ақ олардың отбасыларын Қазақстан Республикасының Тұңғыш Президенті күнімен құттықтаймын!   

Қазақстан Республикасының Тұңғыш Президенті – Н.Ә. Назарбаевтың бүкілхалықтық сайлауы еліміздің бүкіл халқы үшін жаңа тәуелсіз мемлекеттің даму жолын алдын ала белгілеген тарихи алғышарт болып табылады.

Ұлт Көшбасшысы Нұрсұлтан Әбішұлы Назарбаев елдің саяси егемендігін нығайтуға, экономикада нарықтық қатынастарды құруға, әлеуметтік әділеттілік пен қоғамдағы саяси ырықтандыруды қамтамасыз етуге, халықаралық саяси серіктестермен терең және берік байланыстар орнатуға үлкен үлес қосты.

Қазақстан Республикасының Тұңғыш Президенті күні – жас, күшті, қуатты, әлеуеті зор Мемлекет - Қазақстан Республикасы мемлекеттілігінің дамуы мен қалыптасуының жаңа кезеңін ашатын мереке.

Азаматтық қорғау органдарының қызметкерлері Қазақстан Республикасының Тұңғыш Президенті – Ұлт Көшбасшысы Нұрсұлтан Назарбаевтың саясатын абыроймен, қадір-қасиетпен жүзеге асырады және еліміздің аумағы мен халқын төтенше жағдайлардан тиісті деңгейде қорғауды қамтамасыз ете отырып, өзінің қызметтік борышын үлгілі және жанқиярлықпен орындайтын болады.

Баршаңызға шын жүректен зор денсаулық, бақыт, амандық, бейбітшілік және көпұлтты Қазақстанымыздың игілігі үшін одан әрі жемісті қызмет тілеймін!

Министр

генерал-майор      

Юрий Ильин

• 01.12.2020
• 300