Мемлекет басшысына елорданың әлеуметтік-экономикалық және инфрақұрылымдық дамуы туралы баяндадым

Мемлекет басшысына елорданың әлеуметтік-экономикалық және инфрақұрылымдық дамуы, тіршілікті қамтамасыз ету жүйесі нысандарының (ССС-3, газ жылу станциялары, ЖЭО-3 және т.б.), әлеуметтік нысандардың құрылысы, апатты жағдайдағы ескі тұрғын үйлерді бұзу, елді мекендерді дамыту, үлестік құрылыс нысандарын аяқтау, газдандыру жұмысын жүргізу, инвестициялар тарту, қаланы абаттандыру және т.б. туралы баяндадым.

Сонымен биыл 6,5 мың әлеуметтік пәтер салуды жоспарлап отырмыз, сол сияқты «Жайлы мектеп» ұлттық жобасы аясында 90 мың оқушы орнына (2 ауысымды) арналған жаңа форматтағы 24 мектепті жобалау жүріп жатыр.

Сонымен қатар ШОБ-қа жағдай жасау, қолдау көрсету және инвестиция тарту мәселесіне ерекше көңіл бөлеміз. Елордаға арналған инвестиция көлемі бірінші тоқсанда шамамен 200 млрд теңгені құрады, бұл өткен жылдың сәйкес кезеңімен салыстырғанда 20%-ға артық.

Мемлекет басшысы Астананы ары қарай дамыту, тіршілікті қамтамасыз ету нысандарының (сумен қамту, жылумен қамту және т.б.) құрылысын аяқтау бойынша бірқатар тапсырма берді.

• 12.04.2023
• 213