Азаптауларға қарсы күрес туралы

Бүгін Адам құқықтары жөніндегі уәкіл Артур Ластаевпен Азаптаулардың алдын алу мәселелері бойынша өзара ынтымақтастық туралы Меморандумға қол қойдық.

Келісім шеңберінде біз бірлескен іс-шараларды өткізуге, оның ішінде өңірлік деңгейде де өткізуге ниеттіміз.

Атап айтқанда, азаматтардың конституциялық құқықтарын бұзудың алғышарттарын анықтау және жою үшін қылмыстық қудалау органдары мен пенитенциарлық мекемелердің ғимараттарына бірлесіп бару, бұзылған құқықтарды қорғау және қалпына келтіру тетіктері туралы түсіндіру жұмыстарын жүргізу, азаматтардың жеке қабылдауды ұйымдастыру, ақпарат алмасу және басқа да бірқатар шаралар жоспарланып отыр.

Меморандум азаматтардың конституциялық құқықтарын қорғау, оның ішінде азаптаулардың алдын алу мәселелерінде екіжақты ынтымақтастыққа жаңа серпін береді.

• 13.04.2023
• 199