Тұрғындарды қабылдап, өтініштерін тікелей тыңдау мәселені жылдам шешуге жол ашады

Аймақтағы құқық қорғау мекемелері мен департаменттердің басшылық құрамы, басқарма басшыларымен Шардараға арнайы барып, тұрғындар үшін бірыңғай жеке қабылдау өткіздік.  Әрбір тұрғын басшылармен тікелей тілдесіп, мәселені шешуге мүмкіндік алды.

Өтініштердің бәрі бақылауға алынып, тиісті жұмыс жүреді. Мемлекет басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасы мен ашықтық қағидатына сәйкес қоғамен байланысты нығайту жұмыстары жалғасады.

Шардарадағы бірыңғай қабылдауда тұрғындар тарапынан инфрақұрылымды жақсарту, электр жарығы, жер, әлеуметтік қолдау және өзге де түйткілдер бойынша өтініштерін айтты.  Облыс әкіміне, түрлі сала басшыларына тікелей келіп, арыз-шағымдар мен ұсыныстарын жеткізді. Әрбір өтініш хаттамаға тіркелді, жұмыс жүргізіледі.

• 17.04.2023
• 153