Үлестік құрылыс мәселелері туралы

Уәкілетті мемлекеттік және құқық қорғау органдарымен үлестік құрылыстың проблемалық сұрақтары бойынша ведомствоаралық кеңес өткіздім.

Әр отбасы өзінің баспанасы туралы армандайтынын хабарладым. Адамдар жылдар бойы пәтер алуға ақша жинайды немесе несие ресімдейді. Бұл ретте жосықсыз құрылыс салушылар азаматтарды төмен бағамен қызықтырып, оларды алдауда.

Соның салдарынан үлескерлер ақшасыз және қалаған «шаршы метрлерсіз» қалып жатады.

Мемлекет басшысы сәулет және қала құрылысы саласындағы мемлекеттік бақылауды күшейтіп, құрылыс компанияларының жауапкершіліктерін қатаңдату бойынша жаңа тәсілдерді қарастыруды тапсырғанын атап өттім.

Мәселен, соңғы екі жылда тергеу органдары 20 қылмыстық іс қозғады, 16 адам сотталды. Бұл құрылыс салушылар азаматтарға 30 млрд теңгеден астам залал келтірген.

Азаматтардың қаражаттарын заңсыз жинағандары үшін 250 млн теңгеге айыппұл сомасымен 300-ден астам компания әкімшілік жауаптылыққа тартылды.

Қазір елімізде 44 үйді салып бітіру қалды. Олардың көпшілігі елордада – 16. Олар мемлекет есебінен қаржыландырылуда.

Азаматтардың қаражаттарын басқа шарттар – алдын ала, ниеттер, инвестициялар және т.б. түрінде заңды айналып өтуге тартатын құрылыс салушылардың заңсыз әрекеттеріне назар аудардым.

Кеңеске қатысушылармен үлестік және тұрғын-үй құрылысын қорғау саласындағы заңдылықтың жай-күйін талқыладық, ұйымдастыру кемшіліктері мен әртүрлі тәуекелдерді зерделедік.

Кеңес қорытындысы бойынша қызметкерлер мен бақылаушы органдарға құрылыс компанияларының әрекеттерін мұқият қадағалап, бұзушылықтар анықталған жағдайда, азаматтардың зардап шекпеуі үшін жылдам әрекет етуді тапсырдым.

• 19.04.2023
• 161