«Орталық Азия – Қытай» - алты елдің сауда-экономикалық көпірі

Өткен сейсенбіде Қазақстан Республикасы Премьер-Министрінің орынбасары -  Сауда және интеграция министрі Серік Жұманғарин, Орталық Азия елдері – Қырғызстан, Тәжікстан, Түрікменстан, Өзбекстан және ҚХР министрлері онлайн кеңес өткізді, онда мамыр айында Сиань қаласында, ҚХР-да жоспарланған «Орталық Азия – Қытай» Мемлекет басшыларының алдағы екінші Саммитіне дайындық мәселелері талқыланды.

Кеңес қытай тарапының бастамасымен ұйымдастырылды. Енді мұндай кездесулер тұрақты негізде өткізілетін болады, бұл алты елдің сауда-экономикалық ынтымақтастығын нығайтуға және ілгерілетуге ықпал ететін болады.

Серік Жұманғарин Қытайдың Қазақстанның да, Орталық Азияның басқа да елдерінің негізгі сауда серіктесі екенін атап өтті.

2022 жылдың қорытындысы бойынша Қазақстан, Қытай және Орталық Азия елдері арасындағы тауар айналымы 31,9%-ға өсіп, $32,1 млрд (2021 ж. - $24,3 млрд) құрады. Екі ел арасындағы сауда рекордтық деңгейге жетіп, өткен жылы 24 миллиард доллардан асты. Қазақстандық өнімдердің Қытайға экспорты үштен бірінен астамға өсіп, $13,2 млрд құрады. Сол сияқты Қазақстанда қытайлық тауарларға сұраныс артып келеді. Импорт 33,5%-ға өсіп, $11 млрд құрады.

«Қытай нарығы - біздің өнімдеріміздің сенімді тұтынушысы болып табылады. Біз жалпы құны 1 млрд асатын қосымша 135 тауар позициясында өнеркәсіптік және ауыл шаруашылығы тауарларының кең ауқымын ұсынуға дайынбыз», — деді Серік Жұманғарин.

Вице-премьер электрондық коммерцияны дамытудың, өңірдің көлік байланысын арттырудың және экспорт пен транзит жағдайларын дәйекті жақсартудың, өңіраралық және шекара маңы ынтымақтастығын дамытудың маңыздылығын атап өтті, сондай-ақ елдердің инвесторларын саудадан басқа өнеркәсіптік ынтымақтастықты дамытуға арналған шекара маңы сауда-экономикалық хабтарының құрылып жатқан желісін бірлесіп іске асыруға шақырды.

Орталық Азия елдерінің бәсекелестік позицияларын ескере отырып, бастапқы кезеңде Қазақстан өнімдерді, оның ішінде қытай нарығында бірлесіп жылжытуды ұйымдастыруды ұсынады.

Кеңес қорытындысы бойынша тараптар алдағы саммит қарсаңында үш құжатқа қол қоюға келісім білдірді: сауда-экономикалық ынтымақтастықты нығайту, цифрлық сауда және инфрақұрылым және инженерлік құрылыс саласындағы ынтымақтастық туралы.

• 20.04.2023
• 127