Азаптауларға қарсы іс-қимыл жөніндегі халықаралық тәжірибе туралы

Алматыда «Азаптаулардың және қатыгездікпен қараудың алдын алу: халықаралық және еуропалық стандарттар мен озық тәжірибе» тақырыбында халықаралық конференция өтті.

Конференцияны Еуропа Кеңесі Қазақстан Республикасы Президентінің жанындағы Адам құқықтары жөніндегі комиссиямен, Қазақстан Республикасының Бас прокуратурасымен және Қазақстан Республикасындағы Адам құқықтары жөніндегі уәкілмен бірлесіп ұйымдастырды.

Іс-шараға еуропалық сарапшылар, қазіргі судьялар, прокуратуралардың, Құқық қорғау органдары академиясының және ұлттық құқық қорғау мекемелерінің қызметкерлері, Қазақстан, Қырғызстан, Тәжікстан, Түрікменстан және Өзбекстан адвокаттары, сондай-ақ халықаралық және отандық үкіметтік емес құқық қорғау ұйымдарының, азаматтық қоғамның өкілдері қатысты.

Қазақстанда азаптауларға және тергеудің басқа да рұқсат етілмеген әдістерге қарсы іс-қимыл бойынша жүйелі шаралар қабылданып жатқанын атап өттім.

Азаптауларды тергеудің Стамбул хаттамасының қағидаттарына сәйкес келетін нұсқаулығы мен әдістемесі әзірленді.

Осы жылдың наурыз айында заңнамаға қатыгез, адамгершілікке жатпайтын немесе ар-намысты қорлайтын қарым-қатынас ұғымы енгізілді, осы қылмыстардың субъектілерінің ауқымы кеңейтілді.

Қылмыстық қудалау органдары мен түзеу мекемелерінің үй-жайларында «көрінбейтін аймақтарды» бақылау камераларымен жарақтандыру жүргізілуде.

Қазіргі таңда прокурорлар қолда бар жүйелерге қосылған және онлайн-бақылау жүргізіп отыр. Азаптаулардың алдын алу үшін басқа да шаралар қабылдануда.

Конференцияға қатысушылар қатыгездікпен қарау және азаптау жағдайларын тергеудің озық тәжірибелері, сондай-ақ сот органдарының, прокурорлардың, адвокаттардың және осы мәселені шешудегі әртүрлі құқық қорғау тетіктерінің рөлі туралы әңгімелеп берді.

Шара қорытындысы бойынша адам құқықтары саласындағы халықаралық стандарттарды қамтамасыз ету үшін мемлекеттік органдардың да, құқық қорғау институттарының да қатысуымен азаптаулардың барлық нысандарын жою бойынша бірлескен күш-жігерді шоғырландырудың маңыздылығын атап өткен құжат қабылдандық және бірқатар ұсыныстар берілді.

• 20.04.2023
• 205