20-21 сәуірде Қаржылық мониторинг агенттігі мен Әділет министрлігі өкілдерінің Еуропалық Кеңес делегациясымен жұмыс кездесуі өтті.

Отырыс барысында Еуропа Кеңесінің сарапшылары бенефициарлық меншік иелерінің тізілімін жүргізу бойынша дүние жүзіндегі әртүрлі юрисдикциялардың озық тәжірибесімен таныстырды.

Тараптар Қазақстанның бенефициарлық меншік иелерінің ұлттық тізілімін жүргізудің ағымдағы тәжірибесін, сондай-ақ еліміздің қылмыстық жолмен алынған кірістерді жылыстатуға қарсы күрес жүйесінің тиімділігін одан әрі арттыру мақсатында оны жетілдіру бойынша перспективалық қадамдарды талқылады.

Кездесу қорытындысы бойынша Тараптар қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы қарым-қатынастарды нығайтуға және ынтымақтастықты дамытуға өзара мүдделі екендіктерін растады.

• 21.04.2023
• 159