АСТАНАДА ЖОҒАРЫ ОҚУ ОРЫНДАРЫНЫҢ ПЕДАГОГИКАЛЫҚ ӘЛЕУЕТІН КҮШЕЙТУ БОЙЫНША СЕМИНАР ӨТКІЗІЛДІ

Дүниежүзілік банктің қаржы және техникалық қолдауымен ҚР Ғылым және жоғары білім министрлігі іске асыратын «Орта білім беруді жаңғырту» жобасы аясында 20-21 сәуірде педагогикалық мамандықтар бойынша білім беру бағдарламаларын әзірлеушілерге арналған семинар өткізілді. Семинарды Назарбаев университетінің білім беру мектебінің әріптестерімен бірге финдық Hame University of Applied Sciences ғалымдары өткізді.

Семинарда жобаны іске асыру барысында орындалған жұмыстың қорытындылары талқыланды. Қатысушылар 30 жаңа білім беру бағдарламасын әзірлеу және пилоттық іске қосу тәжірибесімен алмасты. Жаңа білім беру бағдарламаларын енгізу бойынша еліміздің 17 жоғары оқу орнынан 900-ден астам әріптес оқытылды.

Педагогикалық кадрларды даярлауды күшейту үшін 105 білім беру бағдарламаларын әзірлеушілерге, өз университеттеріндегі өзгерістер көшбасшылары мен өзгерістер агенттері мойындаған сертификаттарды тапсыру рәсімі өтті. Жоғары және жоғары оқу орнынан кейінгі білім комитеті төрағасының м.а. Бану Нарбекова, Финляндияның Қазақстандағы елшісі Соили Мякеляйнен-Буханист, ХЯМЕ университеті тарапынан жоба жетекшісі Лииза Постарефф, Назарбаев Университеті білім мектебінің деканы Аида Сағынтаева құттықтау сөз сөйледі.

Жоба педагогикалық бағдарламаларды іске асыратын еліміздің барлық 49 жоо-да профессор-оқытушылар құрамының оқу тәжірибесін масштабтаумен жалғастырылатын болады.

• 24.04.2023
• 137