Қазақстан мен Қытайдың сыртқы саяси ведомстволарының басшылары келіссөздер жүргізді

Сиань, 2023 жылғы 26 сәуір – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу «Орталық Азия – Қытай» форматындағы Сыртқы істер министрлерінің 4-ші кеңесіне қатысу шеңберінде Қытай Халық Республикасының Сыртқы істер министрі Цинь Ганмен келіссөздер жүргізді.

Қытай әріптесімен келіссөздер барысында саяси, сауда-экономикалық және мәдени-гуманитарлық салалардағы Қазақстан-Қытай ынтымақтастығының қазіргі жағдайы мен даму перспективалары талқыланды. Халықаралық күн тәртібіндегі өзекті мәселелер бойынша пікір алмасты.

Министр М. Нұртілеу Қытаймен жан-жақты стратегиялық әріптестік қатынастарын дамыту Қазақстанның сыртқы саясатындағы өзгермейтін маңызды басымдықтардың бірі екенін атап өтті. Бұл екі елдің арасындағы, әсіресе сауда және инвестициялар саласындағы көпқырлы ынтымақтастықты одан әрі кеңейту мақсатында жоғары деңгейде қол жеткізілген уағдаластықтарды іске асыру үшін бірлескен күш-жігерді қабылдау қажеттігін атап өтті.

Тараптар БҰҰ, ШЫҰ, АӨСШК, «Орталық Азия – ҚХР» форматы және басқа да көпжақты тетіктер шеңберінде үйлестіруді және тығыз өзара іс-қимылды одан әрі нығайтуға дайын екендігін білдірді.

Сол күні СІМ басшысы М. Нұртілеу Шэньси провинциясы парткомының хатшысы Чжао Идэмен кездесті. Бұл аймақ ҚХР-дың негізгі көлік-логистикалық хабтарының бірі. Келіссөздер барысында «Қытай-Еуропа-Қытай» трансконтиненталдық бағыты бойынша тиімді жүк тасымалдарын қамтамасыз ету саласындағы өзара тиімді ынтымақтастықты дамыту және нығайту, сондай-ақ өңіраралық өзара іс-қимылды жолға қою мәселелері талқыланды.

Тараптар Сиань-Астана-Сиань бағыты бойынша тікелей әуе қатынасының ашылуын қанағаттанушылықпен атап өтті, бұл екі елдің азаматтары мен бизнес өкілдері арасындағы алмасулардың кеңеюіне оң әсерін тигізетіні сөзсіз.

• 27.04.2023
• 111