Gosagro.kz: Фермерлерге 75,4 млрд теңге субсидия төленді

Gosagro.kz порталында еліміздің барлық өңірінен фермерлер субсидия алуға 20 мыңнан астам өтінім берді. Жалпы сомасы 24,5 млрд теңгенің өтінімі төлеуге мақұлданып, «күту парағында» тұр.

Сонымен қатар, облыс әкімдіктерінің резервке қойылған өтінімдер бойынша 2022 жыл үшін фермерлердің алдында берешегі болды. Бүгінгі таңда инвестициялық субсидиялау және Ауыл шаруашылығы басқармасының өнімдерін қайта өңдеу бағыттары бойынша 20,4 млрд теңге қарыз төленді.

Пайыздық мөлшерлемені субсидиялау бойынша жүйеде 355-тен астам қаржы институттары (АНК, ҚАҚ, ЕДБ, несиелік серіктестіктер) тіркелді, қазірдің өзінде олар 2 160 өтінім берді, оның ішінде 11,9 млрд теңге төленді.  18,6 млрд теңгеге өтінім мақұлданып, төлемін күтіп отыр.

Осылайша, жаңа gosagro.kz жүйесі арқылы 75,4 млрд теңге сомасына өтінімдер өңделді, мақұлданды және ішінара төленді.

Айта кетейік, АШМ жақында электрондық агрохимиялық картограмманы тіркеу бойынша талаптарды алып тастады, сондай-ақ жыл соңына дейін егістіктерді цифрландыру бойынша деректерді пайдалануды кейінге қалдырды, бұл минералды тыңайтқыштарға субсидияларды беру процесін едәуір тездетеді. Алайда, 2023 жылғы 31 желтоқсанға дейін фермерлер осы алқаптарды құқық белгілейтін құжаттарға сәйкес міндетті түрде түзетуі қажет. Тиісті кестені АШМ «Қазақстан Ғарыш Сапары» ҰК» АҚ-мен бірлесіп бекітетін болады.

Сондай-ақ кейбір өңірлер, оның ішінде Алматы, Атырау, Маңғыстау, Абай, Батыс Қазақстан және Ұлытау облыстары тыңайтқыштарды субсидиялаудың тізбелері мен нормалары туралы қаулыларды әлі бекітпегені туралы хабарлаймыз.  Пестицидтерді субсидиялау бағдарламасы бойынша өтінімдер тек екі өңірде - Қостанай және Павлодар облыстарында ғана қабылдана бастады. Ал Қарағанды облысында өтінімдерді қабылдау 4 мамырда басталады.

Министрлік өз тарапынан бірнеше рет жергілікті атқарушы органдарға осы бағдарламалар бойынша қаржыландыруды уақтылы ашу үшін тиісті қаулыларды бекітуді жеделдетуді ұсынған болатын.

• 28.04.2023
• 174