ТЖ министрі Астана қаласының тұрғындарымен кездесу өткізді

2023 жылғы 28 сәуірде Қазақстан Республикасы Төтенше жағдайлар министрі Юрий Ильин Астана қаласының тұрғындарымен кездесті.

Елорда халқымен кездесу барысында министр ТЖ туындаған кезде халықты хабардар етуге, ТЖ алдын алу және қызметкерлерді әлеуметтік қамтамасыз ету бойынша жүргізіліп жатқан жұмыстарға қатысты өзекті сауалдарға жауап берді.

«2023 жылдың өткен 3 айында Астана қаласының бөлімшелері төтенше жағдайлар орнына 1 000-нан астам рет шықты, шамамен 250 адам құтқарылды және эвакуацияланды. ТЖ саны 2,7% - ға өсті, қаза болғандар саны 75% - ға азайды», - деп министр өз сөзінде атап өтті.       

Сонымен қатар, ТЖМ басшысы өрт қауіпті және шомылу кезеңдерін қауіпсіз өтуіне ерекше назар аударды. Министр азаматтарға ТЖ кезінде жүріс-тұрыс ережелерін сақтауға, ата-аналарға балаларды қараусыз қалдырмауға және олардың қауіпсіздігі жөнінде шаралар қабылдауға кеңес берді.

Есеп беру кездесуі аясында министр бұқаралық ақпарат құралдарымен брифинг өткізді. Үкіметтік емес ұйымдардың өкілдерімен кездесіп, ведомствоның жұмысы, азаматтық қорғау жүйесін дамыту перспективалары, алда тұрған міндеттерді шешу туралы айтты.

Одан кейін министр ТЖ-ның алдын алу және олдарды жою саласына қатысты мәселелер бойынша жүгінген азаматтарды жеке қабылдады.

• 28.04.2023
• 140