Сауда және интеграция министрі Б. Сұлтановтың салалық кездесуінің қорытындысы бойынша ҮЕҰ ұсынымдары (24.11.2020 ж., ІХ Азаматтық форум)

Экспортты ілгерілету мәселелері

- ҚР Сауда және интеграция министрлігі жанынан немесе қолданыстағы институттар базасында экспортқа тыйым салу/рұқсат беру мәселелерін реттеу мақсатында шикізатпен қамтамасыз ету орталығын құру мәселесін қарастыру (Беллесбумпром үлгісімен)

Тауарларды таңбалау мен олардың қадағалануын енгізу

- ҚР Сауда және интеграция министрлігі таңбалауға жататын тауарлар тізбесі бойынша Қазақстан тұтынушыларының ұлттық қауымдастығының ұсынымдарын ескеру

Тұтынушылардың құқықтарын қорғау

- ҚР Сауда және интеграция министрлігі ТҚҚ жөніндегі біріккен ұйыммен Меморандум жасау;

- ҚР Сауда және интеграция министрлігі АҚДМ-мен бірлесіп гранттар мен мемлекеттік әлеуметтік тапсырыстарды бөлу тетіктерін қайта қарау арқылы тұтынушылардың құқықтарын қорғау жөніндегі ҮЕҰ-ны тікелей қаржыландыру мәселесін пысықтау;

- ҚР Сауда және интеграция министрлігі мүдделі мемлекеттік органдармен бірлесіп, Қазақстан Тұтынушыларының ұлттық қауымдастығына әртүрлі салалардағы мамандарды тарта отырып, тауарлардың (жұмыстардың, көрсетілетін қызметтердің) сапасы мен қауіпсіздігіне сараптама жүргізу құқығын беру мүмкіндігін қарастыру;

- ҚР Сауда және интеграция министрлігі тұтынушылардың қоғамдық бірлестіктерімен бірлесіп, ауылдық жерлерде тұратын тұтынушылар мен бизнес субъектілері үшін «Тұтынушылардың құқықтарын қорғау туралы» ҚР Заңының нормаларын түсіндіру бойынша онлайн-семинарлар ұйымдастыру ұсынылды.

• 10.12.2020
• 255