«QazTrade Accelerator» 117 млн. доллардың келісімшарттарын күтуде

Сауда министрлігі «QazTrade Accelerator» бағдарламасының аралық қорытындысын шығарады.

Онлайн-кездесу барысында бизнес өкілдері, жобаны ұйымдастырушылар мен консультанттар жобаның мәртебесін және қазақстандық компанияларды Қытай нарығына ілгерілету бойынша өткізілген іс-шараларды талқылады.             Іс-шараға 35 тамақ өнімдерін өндіруші («QazTrade Accelerator» бағдарламасының қатысушылары), «QazTrade «ССДО» АҚ өкілдері Әсел Егембердиева және Шыңғыс Торез, Аяулым Болатқызы (PwC Kazakhstan) және Оксана Кулакова (PwC Russia) қатысты.

2020 жылғы 5 қараша мен 9 желтоқсан аралығында акселератор командасы өткізген жұмыстардың қорытындысы бойынша қазақстандық және қытайлық компаниялар арасында 160 B2B онлайн-кездесу өткізілді. 200-ден астам қытайлық компания қазақстандық азық-түлік компанияларымен ынтымақтастыққа қызығушылық танытты, олардың жартысы VooV және WeChat бейне байланысы арқылы B2B онлайн-кездесулерін өткізді. Барлық кездесулерді «QazTrade» ССДО» АҚ және PwC акселератор командасының өкілдері ұйымдастырып, өткізді.

Жақын арада жалпы сомасы 117 млн. АҚШ доллары болатын ынтымақтастық туралы 18 меморандумға қол қойылады деп күтілуде. ҚХР-дағы 139 контрагентпен әлеуетті ынтымақтастық шарттары туралы келіссөздер жалғасуда.

Кездесу барысында қатысушы компаниялар қызығушылық танытқан сұрақтарын қойып, экспорттық акселерация бағдарламасын өткізу бойынша кері байланыс жасап, сондай-ақ бағдарлама шеңберінде қазақстандық өндірушілер тап болған мәселелерді талқылай алды.

Жалпы, компаниялар акселерация бағдарламасы түріндегі жаңа қолдау шарасына барынша  қанағаттанушылық танытты.

Қатысушы компаниялардың пікірінше, бағдарлама ашық шекаралар жағдайында ерекше табысқа ие бола алар еді. Осылайша, қазіргі уақытта барлық экспорттаушылар үшін ең өткір мәселе Қытаймен шекараларды жабу мәселесі болып табылады. Екі елдегі ауыр эпидемиологиялық жағдайға және карантиндік шараларға байланысты Қазақстан-Қытай шекарасында автокөлік жиналып, жүк пойыздары мен жүк көліктерін қабылдау қысқартылды. Осы себепті Қытайдық серіктестерге дегустация жасап, сынақтан өткізу үшін өнім үлгілерін жіберу белгісіз мерзімге кешіктіріледі, бұл келіссөздердің нәтижесіне әсер етеді және Қытайға экспорттық көлемді одан әрі арттыруға айтарлықтай кедергі жасайтын болады.

ҚР Сауда және интеграция министрлігінің экспорттық жеделдету бағдарламасы - «QazTrade Accelerator» Қазақстан үшін алғашқы бағдарлама болып табылады. Ол 2020 жылы ҚР СИМ және «QazTrade» ССДО» АҚ бастамасы бойынша пилоттық жоба ретінде іске қосылды. Бағдарламаға қатысқан 6 ай ішінде қазақстандық өндірушілер халықаралық сарапшылардан жеке консультациялар, оқыту вебинарлары мен экспорттық әлеуетті арттыру бойынша тренингтер алды. Компаниялар мақсатты нарықта тікелей теле-және тікелей маркетинг түрінде қолдау алды, сондай-ақ ағымдағы  жылдың қараша айында Шанхай халықаралық импорт көрмесіне (CIIE 2020) онлайн-қатысты.

5 жыл ішінде жаңа өткізу нарықтарына жылжыту үшін Қазақстанның басқа өндіріс салаларындағы компанияларға арналған жыл сайынғы акселерация бағдарламасын өткізу жоспарлануда.

• 10.12.2020
• 309