САЯСАТ НҰРБЕК TEACH FOR ALL ӨКІЛДЕРІМЕН КЕЗДЕСТІ

ҚР Ғылым және жоғары білім министрі Саясат Нұрбек Teach For All өкілдерімен кездесті. Іс-шара барысында тараптар педагогикалық кадрларды даярлау саласындағы ынтымақтастықты талқылады.

Teach For All өкілдері Министрге «Teach for Qazaqstan» педагогикалық қайта даярлау бағдарламасын таныстырды. Бағдарлама Сүлейман Демирел Университетімен бірлесіп даярланды. Педагогикалық қайта даярлау педагогикалық білімі жоқ, тиісті бейіні бойынша педагог ретінде кәсіби қызметіне алғаш рет кірісетін кәсіптік білімі бар адамдар үшін іске асырылатын болады.

Әзірлеушілердің айтуынша, бағдарлама оқыту үдерістерінің тәжірибеге бағдарлануына, мұғалімнің көшбасшы ретіндегі дағдыларын дамытуға бағытталған және әрбір мектептің экожүйесінің бірегейлігін, әлеуметтік-экономикалық, мәдени контекстті ескереді.

Өз кезегінде Саясат Нұрбек педагогикалық қайта даярлау бағдарламасын қолдап, оны іске асыруда сәттілік тіледі.

Іс-шара соңында Министр қонақтарға сапары үшін алғыс айтып, одан әрі ынтымақтастыққа үміт білдірді.

• 26.05.2023
• 155