Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгерістер мен толықтырулар енгізу туралы

2023 жылғы 5 мамырда Агенттік Басқармасы Агенттіктің сақтандыру секторына қатысушылар қызметінің мәселелерін регламенттейтін заңға тәуелді актілеріне өзгерістер енгізуді көздейтін «Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгерістер мен толықтырулар енгізу туралы» қаулыны (бұдан әрі – Қаулы) қабылдады.

Қаулыда мыналар көзделеді:

- тұтынушыларға міндетті автосақтандыру шеңберінде көлік құралына келтірілген зиян мөлшерінің құнын есептеу кезінде сақтандыру омбудсманының интернет-ресурсында амортизациялық тозу мөлшерін айқындау мүмкіндігін қамтамасыз ету;

- сақтандыру омбудсманының өтініштерді дауды тараптардың татуласуымен аяқтау мүмкіндігі немесе ұсынымдар мен түсініктемелер жіберу арқылы қарау тәртібін оңтайландыру;

- сақтандыру агенті сақтандыру ұйымына ұсынатын есептілікті қысқарту;

- сақтандыру нарығында басшы қызметкерлерді келісу рәсімін жетілдіру.

Қаулы Қазақстан Республикасының Әділет министрлігінде 2023 жылғы 16 мамырда №32495 болып тіркелді және алғашқы ресми жарияланған күнінен кейін күнтізбелік 10 күн өткен соң қолданысқа енгізілетін болады.

• 26.05.2023
• 203