Қазақстандық старптапшылар Sber500-ге қатыса алады

Өтініштер 2021 жылдың 10 қаңтарына дейін қабылданады

7 желтоқсан, 2020 жылы Алматы қ. Сбер және 500 Startups халықаралық ІТ-стартап акселераторының үшінші батчын бастайды. Sber500 технологиялық кәсіпкерлер бағдарламасына өтінімдер 2021 жылдың 10 қаңтарына дейін қабылданады. 

Бұл жолғы акселератордың алдыңғылардан айтарлықтай айырмашылықтары бар. Біріншіден, географиялық ауқымы кеңейді. Биыл тек Ресейдің ғана емес, сонымен қатар Израиль, Беларусь, Қазақстан, Латвия, Литва және Эстонияның стартаптары қатысуға өтініш бере алады. Екіншіден, оқыту және қамтуға көзқарас өзгерді. Енді, бағдарлама екі кезеңнен тұрады. Бірінші кезеңде - жеті елден келген 500 үздік стартапшыларға арналған екі апталық онлайн-буткемптер ұйымдастырылады. Буткэмптер кезінде командалар құндылықтар ұсынысын әзірлейді, әртүрлі мақсатты сегменттермен қашан және қалай қарым-қатынас құруға болатындығын біліп, клиентті сатып алуға ынталандыруды үйренеді. Екінші кезең - негізгі акселераторға  буткемптердің ең мықты деген 25 стартапшысы өтеді. Акселерация бағдарламасының барлық кезеңдерін бұрынғыдай Кремний алқабының тәлімгерлері мен халықаралық сарапшылар басқарады. Сонымен қатар, биыл бағдарлама серіктестерінің саны артты. Толық ақпаратты бағдарламаның сайтынан көруге болады https://www.sberbank-500.ru.

«Биылғы Акселераторда тек ресейліктерді ғана емес, сонымен қатар әлемді жақсы жаққа өзгертуді армандайтын шетелдік технологиялық озат командаларды күтеміз. Жобаның ауқымының кеңеюі стартапшылар арасындағы бәсекелестікті күшейтеді, керемет идеялар мен шешімдерді нарықта танытуға әрі қарай дамытуға көмектеседі», - деді Сбербанктің Басқарма Төрағасының бірінші орынбасары Лев Хасис.

«Халықаралық ІТ-стартаптар акселераторының үшінші толқынының басталуы - қазақстандық технологиялық командалары үшін Сбердің экожүйесіне қосылуға тамаша мүмкіндік. Сбербанк Қазақстан отандық стартапшылармен, әсіресе финтек секторында бірлескен өнімдер жасау бойынша белсенді жұмыс істейді. Енді қазақстандық стартапшылар өздерінің жұмыстарымен жаңа деңгейге көтерілуге ​​және өз жобаларын халықаралық кәсіби және инвестициялық қоғамға көрсетуге мүмкіндік алады. Аталған жобаға ҚР Сауда және Интеграция министрлігі де қызығушылық танытып, бағдарламаға ақпараттық қолдау көрсетуге дайын екендерін жеткізді», - деді «Сбербанк» АҚ ЕБ Басқарма төрағасы Елдар Теңізбаев.

Бағдарламаға қатысуға заңды тұлғасы, алғашқы сатылымы және Marketing & Advertising Solutions, Process Automatization Solutions, Mapping & Geolocation, EduTech & HR Tech, MedTech, SportTech, Data Analytics Solutions, Smart Home Solutions және басқа MVP (өнімнің жұмыс нұсқасы) бар стартаптар шақырылады.  

Акселератордағы білім уақыты Демо-күнімен аяқталады, онда стартапшылар өз жобаларын 500-ден аса инвесторға, бизнесмендерге және ірі инновациялық корпорациялардың өкілдеріне ұсынады.

500 Startups - Кремний алқабында құрылғаннан бері 75 елден 5000-нан астам кәсіпкерге инвестиция салған венчурлық компания. 2019 жылы 500 Startups – саны жағынан ең көп венчурлық келісім жасаған әлемдегі бірінші инвестор атанды.

• 11.12.2020
• 311