Қазақстан Республикасының Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің отырысы өтті

Қазақстан Республикасының Үйлестіру кеңесінде екі маңызды мынадай: құқық бұзушылықтың алдын алу шараларының тиімділігі және қылмыс нәтижесінде келтірілген залалды өтеу мәселе қаралды.

Президент Әкімшілігінің өкілдері, сондай-ақ құқық қорғау және арнаулы мемлекеттік органдардың, бейінді министрліктердің басшылары және басқа да мүдделі тұлғалар қатысты.

Айта кету керек, соңғы үш жылда қылмыстың төмендеу үрдісі байқалады. Биыл адам өлтіру, тонау, қарақшылық шабуыл, бұзақылық аз.

Алайда есірткі қылмысы, отбасылық-тұрмыстық зорлық-зомбылық, кәмелетке толмағандардың жыныстық тиіспеушілігіне қарсы, алаяқтық қылмыстар деңгейі алаңдатады.

Осы және басқа да қауіпті әрекеттердің профилактикасы бойынша шаралардың тиімділігін арттыру үшін нақты ұсыныстар жасалды.

Мысалы, бейнебақылау енгізу бойынша жұмыстар шеңберінде Ішкі істер министрлігіне елді мекендердегі «соқыр» аймақтарды анықтау және адамдар көп жиналатын орындарда, ойын-сауық орындары мен алкогольді сататын түнгі орындардың жанына камералар орнату ұсынылды.

Білім, Ғылым және жоғары білім министрліктеріне оқу орындарында қауіпсіз орта құру тәсілдерін қайта қарау, ал денсаулық сақтау министрлігіне есірткіге тәуелді балаларға арналған оңалту орталықтарын құруды пысықтау ұсынылды.

Облыстық прокурорларға үйлестіру кеңестерінде өңірдегі азаматтардың қауіпсіздігіне әсер ететін қылмыстардың алдын алу шараларының тиімділігін қарау тапсырылды.

Отырыстың барлық қатысушылары криминогендік жағдайды жақсарту жөніндегі міндеттерді шешудің және аса қауіпті қылмыс түрлерінің алдын алу бойынша пәрменді шаралар қабылдаудың маңыздылығын атап өтті.

• 01.06.2023
• 179